龍驤 (Closed)

『龍驤』，一見到個『龍』字就平添好感的我固執地選擇了呢間鋪頭作為我今日午餐的地點。首先是很有日本京都房子特色的外表，而門外的餐牌所見有鐵板燒，有不同款式的定食，不多也不少。但對於午餐來講己好足够。本來好想食鐵板燒嘅，但諗過之後都揀咗定食，再來一份两人都喜歡的小食～天婦羅。定食除咗麵豉湯，沙律之外，仲有『蒸蛋』就比較意外，即刻有好窩心的感覺，做足定食的全套，唔係間間都做得到，即刻加咗一唔少分數。而且『蒸蛋』味道十足，配料也唔少。『天婦羅盛合』講明有3隻天婦羅蝦，蔬菜四款，其中蝦好新鮮甜美，而蔬菜分别為蕃薯，南瓜，茄子和冬菇，樣樣都唔差。魚生飯定食有帶子，三文魚同另外三，四隻魚刺身，够晒多，好似食極都仲有。『北海道雪場蟹肉滑蛋稻庭鳥冬』配『腐皮壽司』定食中腐皮壽司第一次食，唔錯。而蟹肉唔知係新鮮拆或蟹肉罐頭，感覺好新鮮，完完全全有蟹的鮮甜味。