SHAKE!T

Open Now

Now Closed

​經過旺角心血來潮試咗Shake It，雖然呢間系外賣店，但外賣包裝做得幾好，特別係佢透明貓耳朵杯蓋設計，非常可愛。大愛呢杯開心果乳酪，微酸之餘提升咗開心果個香味，加埋烤榛子粒，口感豐富。外脆內軟嘅意大利開心果醬窩夫三文治，夾住滿滿嘅開心果醬，每一啖都食到堅果香，仲有啲脆脆增加口感，完全唔似一般甜到漏嘅窩夫。朋友嘅意大利咖啡奶昔加亞麻籽，都幾特別，奶昔質地綿滑到似絲綢，甜度剛剛好，飲完整杯都唔膩，仲有微微嘅咖啡回甘，咖啡控一定要試試！如果鍾意食金莎，就要試下呢個金莎朱古力榛子醬窩夫，佢加埋自家製榛子醬，甜度反而覺得剛好。依家做緊優惠，今次用左奶昔+窩夫三文治 combo 減 $15。其他優惠有：新口味窩夫三文治原價減$10同期間限定第２杯奶昔半價咁，細節可向店家查詢。