Video
Read full review
2018-07-14
141 views
好耐都冇食過espuma啦🤤見佢最近出咗個新嘅hightea 係以海鮮做主題我依個小先鋒梗係黎試試佢啦！啲糕點組合太創新 解讀係咩嚟都用左一段時間好似玩緊嚐味挑戰咁😂每食一舊都要睇返個Menu睇吓咩黎😲⁉️我以前嚟過飲佢哋嘅瑪奇朵同咖啡～都唔錯嘅不過我個人更推薦果茶類👍🏻真係好解渴 而且水果味好新鮮 唔係啲假糖漿味$15都好大杯 一路食一路飲 食完晒都仲有剩好抵叫招牌果茶比較濃味 集合左好多生果味一飲嗰下 有種俾佢嘅濃郁驚豔到嘅感覺 相對地 荔枝茉莉茶比較清香甜美 清味蕾解膩一流本身我個胃唔舒服左半日 依個荔枝茶幫我減輕左嗰種噁心感開心如果二揀一我會覺得荔枝茉莉茶味道較耐喝 好入返正題 個下午茶一上枱 靚到不得了顏色金黃好鮮艷🧡💛❤️侍應即刻提我哋要快啲食咗個漢堡先！因為入面係朱古力雪糕 好快會溶 所以影相慢嘅朋友仔要注意啦～🤭雪糕漢堡：個朱古力雪糕好香可可味中間夾左士多啤梨 同埋冇記錯奇異果🥝個包嘅口感唔係平時啲漢堡包 佢中間係乾乾地 有種介乎餅乾同麵包嘅質感 不過咁樣反而同啲餡好夾蘑菇紅菜頭撻：應該唔少人都知道紅菜頭天生自附紅色所以我諗個撻皮應該係紅菜頭嘅顏色黎！而且唔止得個樣 個皮本
好耐都冇食過espuma啦🤤
見佢最近出咗個新嘅hightea 係以海鮮做主題
我依個小先鋒梗係黎試試佢啦！
啲糕點組合太創新 解讀係咩嚟都用左一段時間
好似玩緊嚐味挑戰咁😂
每食一舊都要睇返個Menu睇吓咩黎😲⁉️
我以前嚟過飲佢哋嘅瑪奇朵同咖啡～
都唔錯嘅不過我個人更推薦果茶類👍🏻
真係好解渴 而且水果味好新鮮 唔係啲假糖漿味
$15都好大杯 一路食一路飲 食完晒都仲有剩
好抵叫
涷貴妃荔枝茉莉茶；涷招牌水果茶
$15
12 views
0 likes
0 comments
招牌果茶比較濃味 集合左好多生果味
一飲嗰下 有種俾佢嘅濃郁驚豔到嘅感覺
相對地 荔枝茉莉茶比較清香甜美 清味蕾解膩一流
本身我個胃唔舒服左半日 依個荔枝茶幫我減輕左嗰種噁心感開心
如果二揀一我會覺得荔枝茉莉茶味道較耐喝
魚蝦蟹Hooheyhow下午茶
$258
3 views
0 likes
0 comments
好入返正題 個下午茶一上枱 靚到不得了
顏色金黃好鮮艷🧡💛❤️
侍應即刻提我哋要快啲食咗個漢堡先！
因為入面係朱古力雪糕 好快會溶
所以影相慢嘅朋友仔要注意啦～🤭
鮮果雪糕漢堡（甜）；冬瓜蘑菇蓉紅菜頭撻（䶢）；黑椒雞粒伴約瑟布甸（䶢）
6 views
0 likes
0 comments
雪糕漢堡：
個朱古力雪糕好香可可味
中間夾左士多啤梨 同埋冇記錯奇異果🥝
個包嘅口感唔係平時啲漢堡包
佢中間係乾乾地 有種介乎餅乾同麵包嘅質感
不過咁樣反而同啲餡好夾
蘑菇紅菜頭撻：
應該唔少人都知道紅菜頭天生自附紅色
所以我諗個撻皮應該係紅菜頭嘅顏色黎！
而且唔止得個樣 個皮本身係鹹鹹香香🤤
中間有啲磨菇粒 好香 同個撻皮嘅鹹香味好夾
味道有啲似法國hightea啲鹹點批
唯一有少少唔知做咩係上面啲冬瓜蓉🤔🤔
就咁食係冇味
不過整體好好味😍😍
係其中一款我認為最好食嘅
黑椒雞肉約瑟布甸：
黑椒味好重 雞肉冇羶味
夾埋只可以講 真係黑椒雞肉😂😂
約瑟布甸口感有啲似泡芙/烤麵包、乾乾地、外脆內軟 味道都唔錯嘅
牛油果蝦多士卷（鹹）；吉列蟹棒（鹹）
9 views
0 likes
0 comments
（依張有少少曝光sorry🙇🏻♀️）
牛油果雞肉多士：
左邊嘅多士卷估唔到咁好味
首先講佢應該係油炸 多士外層超級酥脆 就算放到中段先食都仲勁脆
入面嘅牛油果同雞肉冇咩特別調味 牛油果唔算香
不過夾埋個多士又啱啱好 唔會過分油膩
食完好想再食
吉列蟹棒：
中間係蟹肉棒 外面係吉列炸漿
不過中間個蟹柳應該係靚啲嗰啲
出面層炸漿有一定厚度 好脆
男朋友好鍾意食依個
香脆蟹仔紫菜蛋糕（䶢）
6 views
0 likes
0 comments
你冇睇錯上面隻蟹仔係食得嘅！脆脆地
個植物聞落係啲好濃嘅香草
我諗應該唔係for你食😹😅
個蛋糕好濕潤口感好好 蛋糕入面咬到啲紫菜碎
中間有一層好似杏仁糖霜咁嘅夾心？甜甜地
黃金蘋果金寶（甜+鹹）
6 views
0 likes
0 comments
入面有一支玉桂條 again應該唔係俾你食😹
硬到咬唔到係裝飾嚟㗎
個蘋果金寶杯入面有
1. 用肉桂餣左嘅蘋果粒，多汁
2. 結塊脆口嘅餅乾crumble
3. 鹹蛋黃！😱😱😱
鹹蛋黃嘅味道吊起咗餅乾crumble嘅鹹香味!
另外一提 唔夠位加相嘅杏仁布甸～
佢係錦鯉魚嘅形狀🐟
入口好重杏仁味！好似去咗茶餐廳飲杏仁霜咁
葫蘆蝶豆花鬆餅
12 views
0 likes
0 comments
Scone入面有藍莓粒 本身個鬆餅都好香藍莓味
可以揸果jam同忌廉
缺點係唔夠濕潤 同埋唔夠熱 如果唔係就好完美啦
文青風格，兩個字：唯美♡
20 views
0 likes
0 comments
中間個白朱古力骰仔 係用平時做蛋糕裝飾嘅假朱古力整 所以冇朱古力香 而且口感唔滑 其實係裝飾黎😂😂
Post
