小確幸咖啡館

Open Now

Now Closed

小確幸門口嘅招牌已經充滿文青風氣，店裡簡單嘅白色磚牆加上金句，另一側係落地玻璃，成個感覺好舒服。西冷薯角配黑椒汁 $88薯角香脆，牛扒有兩塊，分量足夠同好腍，如果厚切一啲口感會更好，黑椒汁香濃，相當惹味。黑椒牛扒配黑松露炒滑蛋飯 $68牛扒烹調時間適中，滑蛋好幼滑，食落有淡淡嘅黑松露味，飯比較乾身，連埋黑椒汁同滑蛋一食啱啱好。薄荷鮮奶咖啡 $22（跟餐價）喺厚厚嘅咖啡泡沫上面寫上「KISS」好有心思，咖啡帶有微微薄荷味，好清新嘅感覺。芒果綠茶蘆薈 $20（跟餐價）蘆薈Q彈，甜道啱啱好，唔會太甜，芒果味再突出一點會更好。