Pokka Café (樂富廣場A區) (Renamed) View

原來pokka Cafe 出咗個鐵板牛扒餐，價錢好吸引！我哋揀咗期間限定嘅紐西蘭牛扒系列。有西冷牛扒跟蒜蓉汁同肉眼牛扒跟黑椒汁～個牛扒一嚟到就好大煙，好有新鮮出爐鐵板燒嘅感覺！淋埋啲汁仲好勁吱吱咋咋聲～兩款牛扒食落差唔多，西冷比較多肥膏位，食落會香口啲，而肉眼就牛肉味好香濃，都幾好味！除咗牛扒之外，可以加錢揀combo，combo 入面都幾多嘢食揀，仲可以自由組合三樣唔同嘢食。我揀咗煙三文魚沙律，日式醬油溫泉蛋同埋意粉。男友人就食邪惡芝士薯條，龍蝦湯同凍朱古力咖啡。每樣嘅味道都唔錯，而且份量會特別細，整體來講成個餐都幾抵食！