潮鮮薈自助燒烤專門店 (Closed)

今晚係太子見到呢間新開任食串燒店，好似好好玩咁，係自己轉既串燒爐！依家天氣咁熱，首先睇睇有咩飲品。除左有茶類、汽水等，仲有清酒同梅酒任飲呀！飲酒既人應該覺得好抵。之後店員同我地解釋一下邊度拎野食、同每人送半隻蒜蓉燒蝦呀！串燒種類都幾多：台灣腸、廚師腸、沙律丸、牛丸、蟹柳、獅子狗、午餐肉、紅腸、龍蝦丸、芝士腸肉類既選擇：豬柳肉、雞肉、鴨胸、魷魚、雞腎、多春魚、豬頸肉、牛柳粒、雞軟骨蔬菜類：秋葵、菠蘿、茄子、翠肉瓜、粟米、車厘茄、放係串燒爐度由佢自己燒，又冇煙，我同朋友就可以傾下計、睇下電視。見到串燒都咁上下熟，可以揀灑上多款調味粉 如 孜然粉、紅椒粉或者想有醬汁，可以揀三款醬汁。我最鍾意蜜糖燒肉汁，甜甜地。除左串燒燒烤仲有火鍋，湯底係麻辣火鍋，配料有鴨血、黑柏業、鮮鵝腸，仲可以將串燒既食材放落去打邊爐。