行吓行吓就到晚飯時間，係商場四樓搵野食，最後去左呢間幾新既川滬菜
座位闊落，都幾好坐
餐廳都有2人同4人套餐可以簡，就到新年仲有個迎春套餐
椒麻雞雞肉已經去左骨，可以啖啖肉咁食
同埋雞肉都嫩滑又入味，椒麻醬汁有少少麻辣味，同雞肉好夾
什錦小籠包四個味道可以同時試晒👍🏻 我食左香辣同酸菜魚小籠包，兩款調味都好好，皮薄又有湯汁，最特別係酸菜魚，入面係有魚肉既
清炒萵筍絲新鮮炒起，上埋果陣仲係熱辣辣
萵筍絲調味同火候都控制得好好，有輕微爽脆口感，又食到萵筍嘅清甜
十十水煮海鮮海鮮豐富，有鮑魚，魚片，蝦，同蜆，各款海鮮都幾新鮮，鮑魚肉厚又有彈性，魚片夠厚有魚香，蝦就正正常常，蜆肉都鮮甜飽滿，粒粒都有肉，唔會有沙，仲有少量芽菜同薯粉打底，各樣野都吸晒水煮湯既味，麻麻辣辣咁好惹味
酥皮鳳梨奶黃窩餅外皮酥皮好鬆化，但完全唔會覺得有油膩感！中間既鳳梨奶黃料甜度岩岩好，有鳳梨果肉粒同奶香味道，兩個味道都幾夾
芒果百香果梳打飲品都好大杯，有香濃既百香果味同淡淡既芒果味，加上梳打水既汽真係幾正
青蘋果梳打有蘋果香味，甜度都岩岩好
