潮丸 (Closed)

而家天氣涼涼地,食番碗湯麵暖下佢都幾好!於是捉埋位同事一齊去試下先!搵到尖沙咀呢間潮丸 感覺新潮！試試佢！先點個招牌滷水拼盤有豬手, 豬腸 ,腩肉 ,豆腐 ,滷水蛋。都好足料，味道都唔錯,滷水味都夠濃，幾開胃!淨係睇呢個頭盤都知呢間嘢衰極有譜,起碼無揀錯先!再點左自家牛三鮮 牛爽腩 牛筋 牛肚 河粉多蔥花 多芫西大大碗又足料，湯底又正！牛三鮮真係好新鮮，非常暖胃,抵贊!食飽飽之後再叫左杯梅柚子蘇打特飲 ,呢個時候大大啖飲落去,激爽！！