瓏門冰室 (Closed)

話說有個外國朋友黎左香港，一定要帶佢試下香港d地道小食，咁岩係尖沙咀行完街，所以就係附近揀左間冰室，一行過去見到好大個招牌，睇黎都落左本裝修。個日係星期三，估唔到7點幾依d時間都差唔多坐滿哂人，睇黎內有乾坤店員比左個sofa位我地坐，仲有得擺下野我哋通常order咗五樣野，但係大家兩個人真係唔好order咁多，事關佢啲份量真係非常之大叫咗依度嘅招牌黑松露芝士玉子燒，黑松露味非常濃郁，個芝士玉子燒唔會整得太老，成個蛋好滑，一切黑松露醬出晒黎，好滿足😚 10/10再嚟一個蜜糖雞翼，雖然得六隻，啲雞翼有啲細，但係整得好好味😋唔會太甜又唔會太辣芝士焗西蘭花真係熱辣辣，一定係即嗌即整絕對唔係焗定先，而且分量仲好大，7/10我哋仲帶咗個海鮮鐵板，啲料多到不得了有魷魚，有龍利柳，有蝦，我哋揀咗蒜蓉汁，落去鐵板嗰度時仲有渣渣聲雖然啲嘢食有啲滯，但好彩大部份嘢食都跟餐，我哋嗌左杯凍柚子蜜，確係可以消滯，正！