萬豪金殿

Open Now

Now Closed

「萬豪中菜廳」環境高雅，服務優質，食物健康味佳，係親友經常幫襯o既酒店中餐廳，細佬三年多前亦有為當時任職主廚o既葉師傅獨創o既「五行素食宴」寫下食評。今個春季碰巧長輩再次在此宴客，主廚原來已轉由年輕得多o既鄧師傅擔任，八道菜單面目全新，當真令人十分期待。秘製口水雞，涼拌海哲：第一道雙小碟中o既「秘製口水雞」調味應含花生。由於一早已跟經理哥哥講明自己對花生敏感，小肥嗰份雞就走咗口水汁，另上咗一小碟薑蓉。兩件白切雞肉已去肥去骨，軟嫩健美。涼拌海哲則香脆清爽。萬豪特色燒豬肶：整頓晚餐最精彩o既一味必選此道燒豬肶。金黃色o既豬皮燒得香脆又鬆化，豬肶肉軟潤香嫩，肉汁豐盛，且毫不油膩，點上韓式柚子汁更能吊出鮮甜，實在美妙！芙蓉金湯蒸蟹鉗：碗底o既芙蓉金湯以龍蝦精華煮出，色澤鮮美，甘香醇滑。金湯面o既蟹鉗幼嫩鮮甜，配埋個芙蓉金湯黎食，兩者互相輝映，可真細膩！花膠爵士湯：XO仔不時都會飲到以木瓜煲o既靚湯，不過選用蜜瓜燉o既爵士湯都係第一次飲。爵士湯極之甜美，滾腍咗o既蜜瓜不再黐喉，意外地好清潤。胡椒湯炆龍躉翅：經理哥哥原煲呈上龍躉翅，並強調菜式用上可持續發展o既「綠洲龍躉」，絕不影響自然環境生態，感