店很大，選了坐卡位，好濶落呢。
店員先上茶，但呢杯茶真係唔知放左幾耐，好多毛毛係入面啊
無味精九鼎湯($28)
點了幾款小菜同湯，見話無味精便試試吧。
湯頭清甜又幾正喎，淡淡的瓜味同肉味，有家的感覺。
椒鹽鮮魷拼脆豆腐($62)
先來個炸物雙併，炸得香口唔油膩，略微椒鹽不夠，淡口了點。
老干媽肉鬆四季豆($72)
炒得夠火候，香口鹹鹹地帶微辣，好好下飯，
古老班腩($82)
正諗咩係古老班腩，以為係咩古法制法，原來係咕嚕班腩，餐牌上打錯字
甜甜酸酸的好開胃，芡汁黏緊正喎。
凍柚子蜜($24)
最後點了飲品，晚上只有柚子蜜同汽水選擇。
點小菜可以$8要白飯，都幾大碗㗎，忘了拍照就吃了，哈哈。
