打電話來訂位時, 已經覺得非常好禮貌, 來到才知道, 大部份人等位的都只是對面的和民, 這兒未FULL也不用等都會有位的.
先講裝修, 我覺得絕對係來得舒服. 有卡位, 有房 (多人應該都可以包房).
加上呢間餐廳的裝修都幾好, 我覺得他們擺的枱(即枱和枱之間) 都好鬆動, 完全似OK高級餐廳的擺枱方法.
我ORDER了炸蝦及豬扒餐, 友人ORDER了炸蠔及豬柳餐.
先講麵豉湯, 我提及的特別驚喜就係呢個!!! 明明我上兩次去THE ONE的丼吉, 他們都只是用普通的白麵豉湯給我,
但今次來這裡, 卻給了我一碗紅麵豉湯, 好味更多之餘裡面都好似日本和幸的麵豉湯, 入面放了硯...好好味!
全部炸物都如一往水準的好好味, 我叫的豬扒也好味, 軟硬適中, 如果想吃軟或'林'的豬, 適宜叫豬柳, 因我都有試到.係比豬扒軟及'林'的.
其實吃過他的炸物, 都知道係冇得彈的. 而且一點也沒有油膩感, 炸物夠乾身...上次友人也分享了他的套餐食物, 都係好味.
而我認為餐廳可以改善的為- 提醒客人吃食物的次序. 好似如果係吃我剛才點的食物, 趁熱吃的次序絕對應該為:
1. 蠔, 2. 蝦, 3. 豬扒 OR 豬柳
真的有須要特別REMIND, 因炸蠔不是熱吃, 會有少少'腥'味, 如果熱吃便不會了...如果能夠由WAITRESS細心REMIND一下客人, 會更更好.
