合記茶餐廳 (Closed)

真係有啲唔知佢地主打賣咩既茶餐廳，泰式粉麵飯，港式即食麵同小食，睇 menu 見選擇不太多 ~ 試過幾款出品，一試無妨。如有選擇下，應該唔會再幫襯喇 ~粟米叉燒粒炒飯，炒功不值一提，炒到一舊舊，蛋還蛋、飯還飯，口感濕，唔香口又無鑊氣。味道平平，倘可。蝦餅香茅豬扒飯炒底，炒功好差，十足蛋絲炒飯，蛋同飯係分開架，而且口感幾濕吓。香茅豬扒，唔知佢點茅法，只係可以話係好咸既炸豬扒。最穩陣係炸蝦餅，大路簡單無難度，炸得鬆脆，滿意。