稻香超級漁港 (Closed) View

過完年約左姑媽一家飲茶！約左近佢地既稻香飲！一行10人禮拜六都好快有台！但由於節日既關係！就冇咩平價既點心同野食啦！過年期間都預左架啦～都冇漏太多單！只係漏左一個牛肉球同佢地講左之後好快都補上！服務黎講算係唔錯啦！點心黎講不過不失啦！都算新鮮熱騰騰！但係上茶時間偏慢！蝦餃值得稱讚都算大粒結實有肉地！其他排骨金錢肚等等都尚算入面！但係個鴛鴦炒飯就麻麻地！真係又冇白汁味！紅汁又太浠！只為求飽肚但係絕對上唔到大場面！建議大家下次去就叫其他飯啦！呢個炒飯絕對唔推薦大家食！