Deluxe Daieiki Japanese Restaurant

今日約朋友去觀塘食早場放題，已經開始人頭湧湧，原因就係大件夾抵食咁簡單，餐廳地方寬敞座位舒適，自助區飲品包羅萬有，啤酒汽水、冷飲熱飲、清酒梅酒一應俱全。
自助區除恆常冷盤小食外，有蝦餃燒賣牛肉球點心，更有我最愛椒鹽鮮魷。
刺身新鮮，今日之最係松葉蟹腳好粗壯及北海道帶子刺身超鮮甜，用冰盆盛載加上花朵裝飾好美觀，打卡一流。
多款壽司、火炙壽司、卷物、手卷，雖然飽肚都忍唔住一叫再叫，仲有我必點芝麻雞翼同紅燒乳鴿皇真係好好味。
餐廳加入新品，鮑參翅肚都有得食，更留意到有多種蟹菜式，有避風塘軟殼蟹、蟹肉扒豆苗、牛油焗肉蟹伴脆麵、蟹黃蟹肉粥，二百幾就食到放題，仲有多款蟹任食，當然唔少得餐後甜品，除Häagen-Dazs,更多了Mövenpick 雪糕同樣任食，性價比極高。

2

6

2