一龍拉麵 (Closed)

朋友家住馬安鞍山海典灣，陪佢喺新城市廣場買完嘢之後，幫佢手拎嘢返佢屋企。為咗多謝我，佢就帶我去We Go Mall呢個新場請我食晚餐。今晚我想食拉麵，佢就帶我去了一龍拉麵。佢話佢最近來過食下午茶，好抵食，味道都唔錯。呢度好似日本啲拉麵專門店咁，座位對正煮麵個位，可以近距離睇住靚仔師父炮製拉麵。叫嘢食形式是劃紙仔。飲品點咗波子汽水，哈哈! 好耐都無飲過喇!【海蝦拉麵】湯底係龍蝦湯，好正! 麵質亦不錯，還有4隻大海蝦，非常可口。【鰻魚拉麵】加了辛辣湯底，超好味，辣得夠過癮。鰻魚大大舊好肥美。期間，我哋仲追加咗玉子燒、叉燒和紫菜。玉子燒有超濃蛋香，叉燒經過即場火炙，所以多了一重燒烤風味，而紫菜就很大塊，好脆。