Nara Thai Cuisine (新城市廣場一期)

Open Now

Now Closed

Nara Thai Cuisine係香港有兩家分店，分別係沙田同尖沙咀，當晚平日晚市時段去咗沙田分店食飯，都幾多人食人氣幾高，點咗勁多款泰菜，道道都好惹味！🇹🇭大蝦柚子沙律 $118蝦肉同柚子配搭泰式沙律汁，酸辣味道醒胃惹味，作為前菜最適合不過🇹🇭海鮮冬陰功 $198食泰國菜必點冬陰功，湯頭酸酸辣辣帶點微辣惹味開胃，散發濃郁泰式香料味，海鮮款式好多，有虎蝦、青口、魷魚、帶子、鱸魚柳，非常足料🇹🇭黃咖喱軟殼蟹 $198軟殼蟹份量超級多，切件炸得酥脆又大件，食落充滿口感！黃咖喱醬唔辣帶淡淡甜味，軟殼蟹沾上醬汁充滿香氣🇹🇭燒豬頸肉配青木瓜沙律 $128豬頸肉燒至微微帶焦香，口感外脆內嫩，配有泰式醬汁，酸辣開胃，青木瓜沙律清新爽脆，份量好多🇹🇭泰式牛肉船麵 $138湯底以豬骨、牛骨、雞腳等熬製而成，味道濃郁，肥牛、滷水牛腱、泰國手打牛丸、牛筋、牛柏葉 、炸豬皮等，足料豐富！🇹🇭芒果糯米飯伴椰奶 $88椰漿糯米飯軟糯綿密，夾雜住脆米令層次更豐富，芒果大件又香甜還有多款泰式飲料，點咗芒果沙冰同椰子沙冰，冰涼解膩又解辣！