Video
Read full review
2017-08-27
699 views
文華雞飯，我記得初初拍拖時，同老婆去過柯士甸道店，之後就一直冇食過，今日竟然有雅興忽然起行，走黎大角咀搵返呢間食。舖頭都幾大，都幾多位。白雞飯套餐（$75）套餐有雞、油飯、油菜同細肉骨茶（或飲品）油飯做到粒粒分明，香而不膩。雞可以選白雞或燒雞，我就食白雞，雞肉做到皮爽肉嫩，起晒骨，皮肉間仲食到少少成啫喱狀嘅皮下精華添。檯上擺放左三色醬，即係黑豉油、辣醬同薑蓉。食新加坡式海南雞飯點可以冇三色醬呢？至於肉骨茶，實不相瞞，在下今日至第一次飲，有啲藥材味，可能年紀大左，味道又接受到喎。另外仲叫左碗喇沙雞米粉（$55），湯底都算辣，有椰香味，濃郁又惹味！不過雞放湯好似唔係好夾，配魚片同蝦仁可能會好啲。
舖頭都幾大，都幾多位。
白雞飯套餐（$75）
套餐有雞、油飯、油菜同細肉骨茶（或飲品）
油飯做到粒粒分明，香而不膩。雞可以選白雞或燒雞，我就食白雞，雞肉做到皮爽肉嫩，起晒骨，皮肉間仲食到少少成啫喱狀嘅皮下精華添。
檯上擺放左三色醬，即係黑豉油、辣醬同薑蓉。
食新加坡式海南雞飯點可以冇三色醬呢？
至於肉骨茶，實不相瞞，在下今日至第一次飲，有啲藥材味，可能年紀大左，味道又接受到喎。
另外仲叫左碗喇沙雞米粉（$55），湯底都算辣，有椰香味，濃郁又惹味！不過雞放湯好似唔係好夾，配魚片同蝦仁可能會好啲。
Post
