陳儀興玫瑰餐廳

Open Now

Now Closed

尋日同朋友去咗新蒲崗嘅陳儀興玫瑰小廚打邊爐， 見佢又新出左個雞煲，所以點黎試下。青花椒鮑魚雞煲（半隻）（bb辣） ，記得預先訂（廢事賣哂🤣），一上枱聞到超香青花椒味，湯底麻得黎帶甜， 雞肉腍滑入味，咬落仲有肉汁，鮑魚爽口彈牙，成個煲熱辣辣、香噴噴，微微辣勁過癮，食到我哋停唔到口！跟煲跟埋個唐生菜 ，清清甜甜好新鮮，食完濃味雞煲嚟一啖，即刻解晒膩，清爽到爆！之後火鍋料點左 手切牛（細） 牛味濃郁，肉質鮮嫩，厚度啱啱好，涮完入口腍滑，搭雞煲湯一齊食，雙重肉香爆炸！鵝腸 ， 處理得好乾淨，涮10幾秒就熟，口感爽脆，點少少汁更加惹味。黑柏葉好正，夠晒嫩，吸晒雞煲湯汁，鹹香帶辣，軟滑中帶少少韌性，食落好有層次！重粒粒章魚丸 同響鈴（雙拼）。章魚丸彈牙多汁，咬開仲有粒粒章魚，鮮味滿滿；響鈴炸到金黃香脆，放落雞煲浸一浸，吸晒湯汁，外軟內脆。萵筍爽脆清甜，吸晒雞煲香，好味！豆腐滑溜溜，吸晒湯汁精華，軟綿綿嘅，簡簡單單卻好滋味。咸檸七 ，鹹檸檬酸勁夠，七喜氣泡衝擊味蕾，清爽解辣，成餐飯食完好滿足！總結一下，陳儀興玫瑰小廚真係好有水準，雞煲同配菜都好用心，又成日會創造唔同既雞煲底，每次黎食都好有驚喜。