餐廳環境開揚，簡約木系設計，分兩個用餐區，地方都幾闊落，感覺舒適悠閑！
中午來到，餐牌內都有好多選擇，其中新出嘅有西紅柿慢煮牛肋條飯、麻醬手撕雞肉燥飯、話梅酸汁豬手飯、沙冰系列、鮮果茶等等以及午市套餐，款款都咁吸引。
1
金華火腿花雕雞湯麵 $92
食湯麵會先飮啖湯既我，依碗一入口已嚐到金華火腿和瑤柱嘅鮮味，令雞湯更有層次，再來就係醇厚嘅花雕酒香，雞髀肉份量好多，肉質腍滑入味，一咬即化 ; 麵條可以揀關廟刀削麵或幼麵，波浪狀嘅刀削麵，軟滑爽彈，湯麵美味可口，配搭少辣爽口豆角及清甜車厘茄，太好吃啦。
酥炸脆雞排湯麵 $82
至於另一碗雞排湯麵，就揀咗配較幼身嘅細麵，麵質彈牙夠香，湯底用多種新鮮蔬菜及肉類等熬製而成，加上炸至金黃嘅雞排，外脆內軟，配搭惹味豆角同車厘茄，仲送埋好入味嘅滷水雞翼，呢個餐豐富又美味。
豆乳香香雞 (+$22)
粒粒雞肉新鮮熱辣炸好，外皮炸得酥脆可口，啖啖肉，肉質又夠嫩滑 ; 配有一小碟台灣豆乳，即是腐乳，沾上後鹹香惹味。
台灣烤香腸 (+$22)
台式香腸味道有少少甜甜地，皮脆肉香，肥瘦均勻，咬落去肉汁豐富，肥而不膩，好味嘅台式小食。
開始入秋啦！套餐飲品揀咗金羅漢果海底椰，天然香甜味，口感清涼，潤喉解渴。
