沙律吧選擇唔多！幸好蔬菜新鮮爽脆，但煙三文魚有啲腥，螺絲粉比較硬！
1
甜品方面，我同肥髀都喜歡佢嘅布甸，好滑好重蛋味，布朗尼蛋榚濃香！好味！講番午餐：
炭烤澳洲肉眼配香草汁（$78）賣相靚，點知切開嘅時候，發覺一塊牛扒，一邊做到要求嘅medium,一邊就全熟（係連少少粉紅色都無！）忍唔到同店員講，佢反映比落單嗰位經理，經理即收走再做過，經理自己都講未遇到一塊扒有兩種熟度嘅情況！ 第二碟上賣相都靚，我預咗會生啲，結果係大約3成熟左右，肉質鮮！不過對肥髀來講太生，所以我叫肥髀食牛扒外圍嘅，有5成熟，中央我食！拌碟嘅薯菜唔錯，薯仔爽，南瓜粒甜！醬汁似燒汁！
慢煮鴨胸配菠菜意大利飯（$62）意大利飯米粒肥大飽滿，索晒索飯嘅湯，保有米心，賣相似菜飯，加咗好多菜碎！鴨胸係失望嘅，雖然皮脆，但啲肉太霉，一叉就散，一啲肉嘅彈性都無！（因為同學仔媽媽大讚鴨胸先叫）唔知問題出咗在那裡！
跟餐熱檸茶：夠熱，西餐嘅紅茶唔會太濃，解膩唔錯！
跟餐凍檸茶：肥髀飲
講真今次主菜係失望嘅，尤其個牛扒，不過服務係窩心嘅，發現牛扒過熟問題就即刻攞入廚房再做一份，仲會同肥髀講唔好意思（因為佢知係肥髀食嘅）上咗新嘅一碟牛又會過來問肥髀ok?等待期間另一店員又來問想唔想上咗餐飲先，等我哋飲下嘢！尊重呢樣都加晒分！
食物偶有失手！服務上抵讚！
肥髀用過廁所，讚好大好乾淨！
