味皇小廚餐廳 (Closed)

嘩，終於抽到時間寫下轉工後搵食實錄，情況實在太慘悽。新仔新黎新豬肉，當然係俾人砌，材料不但有生豬肉，仲有死貓、黃蓮等等。煮法不外乎個幾味，煎炒炆燉炸，但當中最重要一個動作就係「鏟」，咁樣d材料先至可以鏟到上天花板；同埋「省」，個鑊先至夠令身。

係成班人都去群眾壓力下，結果第一餐係茶餐廳到開始。好好好免強情況下叫左個口水雞飯。所謂口水雞，只不過係加酸辣汁，雞肉嫩滑程度同隔離泰妃雞無得比。d汁淨係得個辣字，辣到個咀到腫埋。我印像中口水雞係有麻醬，唔同餐廳有唔同整法，只好嘆句食海無涯。