呢間主打健康低糖嘅甜品店成日有人介紹(´• ω •`) 一直都想幫襯 早排經過旺角分店 終於去試咗～
甜品配搭幾有特色 但同時食材好簡單 味道純樸 無嗰啲甜到漏嘅花巧嘢 的確幾健康 ♡
.
♥ 椰皇桃膠燉雙皮奶 $⑥⑦
原個椰皇咁燉 想唔香都難( ´ ∀ ` )ﾉ燉奶用𝟛.𝟞牛乳製作 夠哂軟滑 每啖都充滿椰香同奶香 桃膠口感亦剛好 完全無雜質
食到最後連d椰子肉都挖哂出嚟～真係差在個殼未食落肚🥰
.
♥ 呂宋芒椰木蓮凍 $⑥②
好大兜(＾∀＾)第一次食木蓮凍 原來好似仙草咁 同樣滑溜 食落甘甘甜甜
除咗鮮芒果肉 仲有舊芒果沙冰🍧同埋小芋圓 椰果 整體都唔會太甜 好有咬口
.
♥ 抹茶湯丸 +$𝟙𝟘 / 𝟚粒
好少見茶味湯圓啊～口感軟糯軟糯 仲有流心效果 茶味微甘 不錯啊
.
♥ 四色小芋圓 +$𝟙𝟘
細細粒好可愛 食落幾煙韌 不過四款味唔算好突出 印象中蕃薯味就最濃(*^-^)
