初初係俾粉紅色+舊式雜貨店既門口吸引
上網search 先知原來係食斯里蘭卡菜
本身好鍾意食東南亞菜既我，決定要同朋友去試
一坐低就見到好可愛既餐牌，星期六日有brunch
頭盤好開胃！
沙律好fresh, 菠蘿粒甜甜辣辣，鷹嘴豆鹹鹹辣辣
梗有一款啱口味
Roti點乳酪雖然唔係新食法，但呢隻乳酪同平時唔同，傑身少少，可以掛到上roti
主食叫左咖喱雞配黃飯
黃飯用左好多香料去煮，粒粒分明，好好食
咖哩雞少少辣，好香口，撈飯一流
另一個配菜係茄子，鹹香，煮得好腍，又係撈飯
另外一個係hopper with bacon & egg 配咖哩魚
Hopper勁好食，煙煙韌韌
無論點咖哩/就咁食都好好味
配菜係辣辣地既椰絲
如果鐘意食東南亞菜式，相信呢間餐廳都好值得一試
