陶園燒臘飯店 (Closed)

自從無晚市堂食後，買外賣幾乎成為日常最常買一定係燒味，斬料返去煮個白飯，整條菜咁就夠哂收工經過見好多人排隊，咁就試下呢間買左燒鵝，脾位，賣相唔差，汁會另上唔怕係盒內倒瀉燒鵝肥瘦適中，鵝油甘香，油脂感滿分鵝肉都幾嫩口，而且幾入味，就算外賣都能保持皮脆肉嫩，值得加分，屋企人都大讚！仲有盒叉燒，叉燒厚實，食叉燒一定點半肥瘦，肉味濃郁，外層食到麥芽糖甜香姐姐雖然做外賣做到無停手，但非常有禮貌，絕對買得開心，食得開心。