進入餐廳，簡約的設計帶文青風格，環境感覺置身於大自然當中，地方闊落，舒適悠閑！
餐牌內有很多種類的台灣菜，有牛肉麵、滷肉飯、台灣傳統麵食、米線、定食、手工餃子、台灣小吃、特色茶飲等等，很不錯的選擇。
紅燒腱心牛肉麵 $72
依碗之前食過，覺得唔錯，心水推介！每次食湯麵我都會飲啖湯先，湯底清甜，用咗大量牛骨同埋多種蔬菜熬製而成嘅高湯，再配合牛腱心肉，肉質鮮嫩、軟腍，好入味，散發陣陣香氣，揀咗台灣麵，粗身食落好爽滑，配搭新鮮蔬菜，美味嘅一碗牛肉麵！
另加 $16 涼拌貓耳朵，少少辣，幾惹味，食起嚟好開胃，口感爽脆。
2
台式雞肉飯套餐 $65
配涼菜、蔥油時茶及紫菜魚丸湯
上次吃完滷肉飯，今日嘗試吓台式雞肉飯，雞肉質地嫩滑，無骨啖啖肉，有少少麻油香味，混合白飯一齊食都幾配。套餐包埋涼菜有雲耳、青瓜和茄子，每款涼菜食落好清爽，蔥油時菜嘅生菜帶少許醬油調味，清甜嘅紫菜魚丸湯，彈牙爽口。
桂花雞翼 (3隻) $28
醬汁另上嘅桂花蜜汁，自行加到雞翼中，淡淡嘅桂花香，帶有甜甜嘅清香，雞翼炸得十分爽脆而不油膩。
鐡觀音珍珠鮮奶茶 $34
平日飲嘅奶茶唔係用鐡觀音做茶底，所以味道有啲唔同，覺得用左鐵觀音仲好飲左，真係唔錯。
超濃郁可可 $28
凍飲700ml，這杯飲品真係超濃嘅朱古力味，揀咗少甜，甜度啱啱好，帶啲甘甘地，口感幼滑，令人覺得份外甜蜜！
