不籽是咖啡 (文豪閣)

Open Now

Now Closed

今日放工約左朋友黎呢度做個偽文青。呢地方唔大，但樓底好高，簡約木系裝修，感覺開揚闊落，坐得舒服，有室內同室外。店員好斯文，好有禮貌，主動邀請我入去坐住等朋友。我同朋友叫左兩個主食，兩杯飲品同一個甜品，整體都幾滿意。龍蝦湯配牛油果大蝦稻庭烏冬-顧名思義有牛油果🥑，蝦🦐同稻庭烏冬，另外仲有蟹肉，沙律菜同紫菜碎，再另上龍蝦湯。蝦彈牙，烏冬細滑掛左湯汁。唔錯！味噌蟹子蟹膏蟹肉扁意粉-充滿蟹鮮味嘅一個忌廉意粉，鍾意食蟹既朋友唔好錯過。焦糖香蕉雲呢拿雪糕配牛角酥窩夫-牛角酥窩夫烘過，更加香酥好味，再配埋雲呢拿雪糕同脆脆焦糖面包住既香蕉，呢個甜品好味。Caramel latte-黎到cafe一定要試下咖啡，呢杯caramel latte香甜好味，唔錯！玫瑰茉莉花茶-花味濃又清香，夠晒養生又大壺。