好耐都冇嚟觀塘食嘢啦✨。最近就發現觀塘開咗間新嘅文青日式食堂，除咗當中嘅日式料理之外，另外環境都係其中一個賣點嚟㗎👀，鍾意影相嘅我就當然要嚟見識下啦🤳。今次就嚟趁住午市時段嚟食下呢度嘅套餐🫡，想知我叫咗邊款嘅就一定要繼續睇落去啦❤️！
環境方面☝🏻
喺環境方面嚟講，餐廳真係好完美咁復刻昭和時代嘅日式校園裝修😎。餐廳嘅枱枱凳凳用咗課室嘅枱凳🏫，夠晒青春🤪。另外都仲有放咗啲懷舊雜誌同裝飾㗎😳，可以話係將你帶入第二個時代咁🤣。
食物方面✌🏻
#鹽燒安格斯牛小排定食（$198）
定食方面我就叫咗呢份牛小排定食😋，今次我就叫咗五成熟🤚🏻。效果果然同我想像中一樣咁正🥰，口感真係超級軟嫩，當中嘅肉汁成功鎖住🙏🏻。除咗牛小排之外，仲有一份小炒😳，見到材料都包括芽菜、木耳、秋葵等等，可以話係超級足料🫡，而且都好惹味😚。米飯上都附有飯素，用嚟送飯一流😍。另外都仲有兩份漬物可以食㗎🥳，我特別鍾意餐廳嘅南瓜，口感夠綿滑🤭，而且涼拌係呢個天氣真係啱晒👾。套餐都仲有麵豉湯可以飲🫶🏻，一樣係咁足料😬，紅白蘿蔔令到湯帶有甜味，個人來講真係好鍾意😚。
#凍咖啡（+$8）
呢個天氣飲杯凍咖啡有幾爽真係唔使特別講啦🥵，消暑又醒神😎，真係絕對唔會失望～
👉🏻另外需要加一服務費✅
