上林茶舍 (太平山街) (Closed)

星期六冇咩做，就行去上環扮文青，去到太平山街我發現呢到原來都好多扮文青嘅鋪頭。因為小弟對咖啡嘅唔係特別愛好啦，所以呢我茶和咖啡同樣供給刺激，我會揀茶，行吓行吓就見到呢間標榜住香港首間手沖茶嘅小店，我諗個店面應該得100尺都唔知有冇，坐位呢應該七個左右啦。個老闆同啲客好互動，最後傾吓傾吓佢就推薦左呢我呢去飲一個台灣嘅烏龍茶（唔知咩名），雖然佢係主打日本茶嘅鋪，但交流後佢覺得我中野佢推薦嘅烏龍茶，所以叫我試一下。飲完嘅aftertaste 好甘甜啦好香，一杯可以沖三轉左右，我覺得冇介紹錯。入嚟一坐就坐咗個半鐘，同老闆互動之後呢對日本茶認識深左好多，打算下次去再去試吓佢啲日本茶。期間原來都有好多人買杯外賣茶，而好多人會叫杯阿波晚茶，我係我第一次聽，人哋好似話係對胃係好有益嘅，所以大家可以去試一試。雖然一杯茶嘅價錢要$80-120，但試下老闆嘅手勢，扮下文青都係抵嘅。