HIKARI

水牛城炸雞翼雞翼炸得金黃香脆，醬汁酸酸辣辣，惹味又開胃，而且非常貼心將醬汁分開上，可自行調節辣度，雞翼亦能保持脆口。北海道松葉蟹龍蝦忌廉汁馬鈴薯團子粉香港好少有食到依款意大利傳統嘅馬鈴薯團子粉，一粒粒圓轆轆好得意，食落口感少少煙韌Q彈，龍蝦忌廉醬汁濃郁順滑，松葉蟹味道鮮甜，而且已經開殻方便食用。初雪窩夫窩夫內除了有不少水果，竟然有奶蓋，我相信每個人都難以抗拒。仲可以點伯爵白朱古力醬，多種配搭。呢個甜品即叫即整，要20分鐘製作時間，要耐心等候一下。Plum Soda梅soda，酸酸地，解渴消暑的最佳飲料。