餐廳走文藝青年Cafe路線，有上下兩層，空間感十足。而且室內設計好有心思，簡潔得黎帶一點木系森林嘅感覺，令人放鬆心情。
主菜我選了「香煎帶子黑松露意大利飯」。
黑松露獨有嘅香味真係令人如痴如醉，未擺落口，已經先享受香味。
伴碟非常精美，未食已經加咗唔少分。
帶子好大粒！而且煎得剛剛好，唔會太熟，咬落去口感好豐富，鮮嫩多汁。
意大利飯煮得夠林，又多汁，夠晒 Creamy, 幾好味。
三重芝士薯條
車打芝士、水牛芝士、巴馬臣芝士
薯條混合左三種芝士作為配料，炸得金黃色，香脆可口，作為小食實在一流。加十蚊仲可以升級做黑松露蛋黃醬添！
香月園焙茶鮮奶
茶味好濃郁，清新怡人。
今晚都幾享受，會再黎。
