El Charro Mexican Cantina

Open Now

Now Closed

同女朋友難得一齊平日放假... 決定帶佢去拍下拖 香港而家周圍都咁迫，個個商場都差唔多果款，所以我地今日入左去數碼港睇戲順便去埋野!!!但原來數碼真係好靜，有間m記同food count... 無理由特登入到黎食m記掛... 係商場兜多兩兜後，我地搵左間食墨西哥食菜既餐廳，不過間餐廳完全無人令我地有一下既卻步... 但我估計係因為根本成個商場都冇人，哈哈，分分鐘係上面番工既人都唔知有呢間餐廳呀!!!!同女朋友一人叫一個set... 兩個share一齊食，百零蚊有野飲，餐湯或者頭盤同main... 個湯好濃，不過我覺得味道怪怪地，太甜，似係罐頭湯.... 飲左兩啖就冇飲... 我地叫左 Tacos de Pescado，有蕃茄洋蔥、生菜絲同埋魚柳，酸酸辣辣咁，ｄ醬應該係千島醬，都幾好食，不過女朋友覺得腥左d，我重口味d... 覺得冇乜問題。另外叫左個三文魚夾餅，唔好睇佢細細份，我地兩個人食都覺得好飽，呢個夾餅冇咁多料，淨係得三文魚同ｄ醬，不過好香，雖然好飽，但我地都清哂佢!!!!!!之後仲有杯鮮果汁~~~~~