咖吔

Open Now

Now Closed

晚上時分，係北角接完女朋友放工，係北角匯行下搵野食，心血來潮想食下海南雞，就衝左入。坐低左好開心有卡位同窗邊位，位置都好闊，坐得好舒服。叫左個海南雞+喇沙，因為女朋友對海南雞無咩興趣，而又想試下喇沙，剛剛好有個組合可以唔洗叫2大個主食。海南雞比左一個雞脾同半個雞背，雞脾肉好嫩滑，雞背亦唔會好鞋，油飯雞油味亦好夠。而女朋友食嘅喇沙雖然份量唔多，但係咖哩和椰子香味都好濃，係真材實材嘅味。另外叫左個串燒拼盤，有雞，蝦同魷魚，熱住上枱，燒得好香，調味都好夠。再叫左個馬拉盞炒通菜，份量比我想像中多，食落好有火喉，唔會太咸，推介!!!