DPD大牌檔 (Closed)

見到廣告，主廚有唔錯背景，撞正想食乾牛河好耐，又係佢地招牌，一於嚟試下先入到嚟，環境明顯比普通茶記高級好多，環境幾唔錯，背景音樂有少少太大聲，搞到客人講嘢都好大聲，有少少茶樓飲茶feel等左15分鐘無人理我🙄點左凍奶茶同乾牛河。。。凍奶茶，麻麻地，無普通茶記好飲，20蚊又唔係好大杯，一般。。乾炒牛河，份量幾大，色澤均勻，個賣相幾唔錯味道方面，咸淡還可以，我個人覺得淡左啲，見仁見智啦，整體味道都OK 。但有兩個point比較失望：1. 牛肉唔夠香口，同普通随便食碟牛河無分別，對唔住哩個價。2. 標榜河粉新鮮唔會碎，結果又係一舊舊，碎濕濕，有啲夾都夾唔到。總結：如果係喺普通茶記食到同樣嘅嘢，都會俾高分嘅，起碼份量夠，色均勻，味道可以。但78蚊一碟仲要加埋一，我就會覺得唔係好值。