36個月風乾伊比利亞火腿配法國蜜瓜 🤩🤩🤩🤩
火腿鹹香夠晒，切得薄薄，配埋甜美的法國蜜瓜，味道非常清新，好容易開胃。🍈
烤阿根庭紅蝦牛油果沙律配熱情果油醋汁 🤩🤩🤩
紅蝦鮮甜多汁，牛油果滑溜溜，混合淡淡的熱情果油醋汁，有種異國風味。不過可能對我嚟講個汁味道稍為搶去啲蝦味。🦐🥑
烤薯仔配煙肉🤩🤩
薯仔烤到外皮脆脆，內裡鬆化，煙肉鹹香加入咗少許層次感，但整體比較普通，冇太大驚喜。🥔🥓
美國頂級牛嫩板腱扒 12安士🤩🤩🤩🤩🤩
呢塊牛扒真係無得輸，嫩滑多汁，入口即溶，滿滿肉香溢出，最正係嗰個火候掌握得岩岩好。🥩
煙燻西班牙乳豬配青木瓜沙律🤩🤩🤩
乳豬皮脆肉嫩，煙燻味恰到好處，青木瓜沙律清新，食落好夾。不過相比之下牛扒更搶眼啲。🐖
雖然唔係每一道菜都一樣出色，但整體水準絕對係值得推介。今次晚餐過程中淨係賞味佳餚，氛圍輕鬆愉快，出色的經驗！🎉
