盈暉海鮮酒家 (Closed)

今日約左兩個朋友向荔枝角飲下午茶，佢哋㨂左長沙灣廣場盈輝海鮮酒家，我個心沉左一沉，因為以前飮過，好咸，全日係咁飲水，但今次又好似無咁口渴，只係喉嚨有D乾啫。我今日highlight兩款嘢俾大家，第一係瑤柱灌湯餃（$12.8）好多下素翅，都幾大隻，湯都唔差，最好就係個皮唔厚，整體Ok，加上只係$12.8就更加Ok。第二係攬菜肉鬆炒飯（$40）炒得乾身，D飯一粒粒，食落蛋味濃，係嫌D菜粒有D苦。其他點心就不過不失，而女部長及送點心姐姐好有禮貌，所以我唔抗拒再幫襯。