Video
Read full review
2004-06-25
28 views
之前打親黎book即日位都話full,今次幾日前打定黎BOOK﹐終於有位﹐去之前一日間餐廳打返黎confirm booking﹐心諗一定好多人喇﹐但去到原來唔full0既﹐原來佢地有好多位reserve 比walk in 客。老實講﹐去到時有d驚喜﹐因為幾方面都比預期好。呢度裝修唔錯﹐個人覺得唔會比酒店差﹐不過座位比較放得密﹐同隔離枱近得滯。食物好多款﹐同埋全部都好企理。首先sushi就唔駛講﹐話哂係sell 日式自助餐﹐款式多到望落去都有d眼花﹐味道都唔錯﹐仲有一d貴價少少0既sushi﹐好似海膽、軟殼蟹(好過萬福﹐萬福冇海膽﹐而軟殼蟹只出一兩次﹐仲要排隊先有)﹐最好係有靜係蛋sushi上面舊蛋拎﹐又厚又大舊﹐真係fit 哂我呢d只鐘意食玉子sushi舊玉子但唔想啃舊飯0既人﹔我貪得意拎左舊海膽﹐甘甘地唔係話臭或者鯹﹐但個人唔太欣賞﹔軟殼蟹就幾好﹐口感脆脆地幾得意﹔除左有日式冷麵外﹐仲有冷烏冬﹐我比較喜歡烏冬﹐但豬頭話唔夠煙un。熱盤都有好多好多：即燒counter(燒牛肉、鐵板帶子、鐵板虎蝦)、熟食、即淥粉麵(雲吞麵、日式烏冬、拉麵)我食左燒牛肉﹐可能要左中間部份所以生左少少而且略
老實講﹐去到時有d驚喜﹐因為幾方面都比預期好。
呢度裝修唔錯﹐個人覺得唔會比酒店差﹐不過座位比較放得密﹐同隔離枱近得滯。
食物好多款﹐同埋全部都好企理。首先sushi就唔駛講﹐話哂係sell 日式自助餐﹐款式多到望落去都有d眼花﹐味道都唔錯﹐仲有一d貴價少少0既sushi﹐好似海膽、軟殼蟹(好過萬福﹐萬福冇海膽﹐而軟殼蟹只出一兩次﹐仲要排隊先有)﹐最好係有靜係蛋sushi上面舊蛋拎﹐又厚又大舊﹐真係fit 哂我呢d只鐘意食玉子sushi舊玉子但唔想啃舊飯0既人﹔我貪得意拎左舊海膽﹐甘甘地唔係話臭或者鯹﹐但個人唔太欣賞﹔軟殼蟹就幾好﹐口感脆脆地幾得意﹔除左有日式冷麵外﹐仲有冷烏冬﹐我比較喜歡烏冬﹐但豬頭話唔夠煙un。
熱盤都有好多好多：即燒counter(燒牛肉、鐵板帶子、鐵板虎蝦)、熟食、即淥粉麵(雲吞麵、日式烏冬、拉麵)
我食左燒牛肉﹐可能要左中間部份所以生左少少而且略肥但都幾夠肉味﹔我冇食到帶子﹐但見豬頭拎左兩轉﹐我諗應該唔錯﹐虎蝦佢就話梅﹔熱盤食左好多牛仔骨﹐又林又入味﹐好好食﹔食左個美國焗雞扒﹐肉夠滑﹔燒銀雪魚好肥味﹔炸蠔﹐好香口﹔天婦羅都係中上之作﹐天婦羅汁冇萬福咁salty﹔炒飯加左蠟腸就叫"香港炒飯"﹐笑死我﹐炒得乾左少少﹔香草炒意粉都係太乾﹐同埋偏淡﹔有個大穫海鮮湯﹐好足料﹐味道都唔錯﹐湯底好重海鮮味又唔會太濃太salty﹐一碗碗"筆"0既仲有栗米魚肚(鹹左少少)、麵豉湯(個樣好濃好似好鹹咁﹐所以冇試)、白粥(咁普通更加唔會試)﹔雲吞麵d雲吞好彈牙﹐麵煙un﹐湯清而不淡﹐烏冬係豉油湯底﹐豬仔致愛﹐我都覺得好好食。
甜品款式外貌ok﹐但就好似冇萬福咁多﹔有梳乎里﹐我其中一個心頭愛﹐當然唔會錯過﹐一焗起就好快比人拎哂﹐我食左兩個﹐好香蛋味道﹐正﹐但之不過texture唔夠"空"﹐比食開0既實左少少﹐我都係比較鐘意口感似陣"風" 0既梳乎里多d
creme brulee 就唔夠甜﹐可能焗得太耐﹐上面層焦糖好苦﹔cheesecake又係唔夠甜﹔tiramisui 夠滑但咖啡味太重蓋過朱古力同芝士味﹐而且好似落得唔夠酒﹔麵包包丁都唔係食開有個conatainer焗住﹐所以唔夠熱又硬又唔香牛油味﹔blueberry yogurt 酸酸地幾醒胃﹔有即整pancake﹐要左士多啤利、桃、yogurt做filling再加埋好多雲呢汁(我落到好似水塘咁)﹐外熱內軟﹐超好食﹐不過要等而且又好滯﹐所以只係食左一個。
要左兩杯有refill 0既飲品﹐連加一六百幾兩個﹐都貴貴地﹐不質素都算滿意。
不過美中不足就係有個別staff0既服務態度輕挑惡劣﹐基本上呢度所有staff d 服務態度都好好﹐有禮友善(尤其係燒牛肉同埋pancake果個阿叔)﹐但淥麵果個後生仔態度之差達令人反感0既情度﹐話說我興致勃勃埋去個counter到諗住要碗雲吞烏冬﹐一埋到去佢已經好串咁問我食乜﹐我講左我0既選擇後﹐佢就又用佢好串0既語氣答我"唔可以咁叫"﹐我奇怪問點解﹐答案係烏冬唔可以配雲吞﹐我心諗咁都得!?我鐘意食烏冬又鐘意食雲吞﹐點解唔可以咁配答﹐而且都係一樣咁淥之嘛﹐佢唔係咁蠢唔識變通下嘛﹐定一話佢有心流難客人!?只不過原本掉舊麵落個煲到變左係隔離舊烏冬0者﹐有咩難度呀﹐真係令人費解…加上佢0既語氣又掘又不屑﹐真係令人好討厭﹐淥好左個麵仲要聲都唔聲單手隊埋黎我面前﹐仲要身un un 好唔煩0既樣…離哂大譜…話哂我都係客佢係serve客0既staff﹐就算客人要求辦唔到﹐都可以客氣d轉告﹐佢0既態度絕對唔係服務性行業應有態度﹐佢0既惡劣態度令呢間餐廳矇上污點﹐返到埋位我即刻搵下有冇意見紙之類物體等我可以complain佢﹐可惜冇…
anyway,呢餐食得都頗滿意﹐食物、環境、服務都ok﹐只係有個別害群之馬
Post