敏華冰廳 (Closed)

今朝起身真係好肚餓，見時間尚早，衝去食個豐富早餐先開工。我記得上次食都仲係叫文華冰室，今日已經換咗名叫敏華冰室。朝頭早都幾多人幫襯，一個人都要等位先有得食。叫咗個忌廉雞湯火腿通粉配厚多士茄炒蛋試吓。個忌廉雞湯通粉都幾大碟，個雞湯又真係幾正，食晒個通粉都唔係好食得落塊口多士同埋炒蛋。炒蛋又幾滑喎，同埋份炒蛋都真係幾大份。塊厚多士都真係有焗過，抵讚!餐飲叫咗熱奶茶，奶茶都沖得唔錯，夠滑！出餐都幾快，不過可能要等陣位。