Ocio (積存街) (Closed)

大圍最外圍的小街之中，有呢家OCIO，之前同朋友來過，都念念不忘，因為D野都真係好食，而且坐得都幾舒服，喜歡佢小店的氣氛，所以久唔久都會番來再食。晚餐有SET DINNER，都有各式的粉麵飯扒、漢堡等等，總有一款O岩食。而且價錢都可接受，包湯及飲料。我次次都好想食佢的包，因為好有HOME MADE既感覺，好軟又好香，唔係一般好HEA的餐包，由呢個小節已經知道食店好用心。香草鮮露荀花蜯炒扁意粉$88炒得好香，而又唔會太油，呢個粉既量都好多，同埋有黑椒味，比較開胃。奧斯芝士和牛漢堡$108，賣相好好，麵包本身好飽滿，和牛漢堡扒都好厚，肉味非常之濃。咬下去肉汁也多，中間的菜夾埋扒的香味，呢個就係漢堡的神奇、吸引、令人著迷的地方了~!西餐一定要飲咖啡，呢個泡沬咖啡是FREE的，真係令人有D難以置信，因為味道真係好好。絕對係高質咖啡~!!!朋友話要消滯，的確個奧斯芝士和牛漢堡真係幾飽，整番個熱檸水都係最O岩架LA.好滿足的晚上，每人$100左右，的確好抵。