板燒郎燒肉鐵板放題料理專門店 (Closed)

第一次嚟呢間試！放題+韓燒$228另+1，再可+88升級任食生蠔、蟹腳、生蝦、赤蝦、磯煮鮑魚、元貝、劍魚、牛肋骨。生蠔幾好，淡海水味＆creamy，牛肋骨可以，蟹腳無味多肉，鮑魚鹹咗啲味濃，其他一般。刺身麻麻，壽司難食，啲飯好削。人流唔多，執碟唔算太密手，有漏單情況，叫三文魚頭叫咗3次都無，唔知漏單定無貨，叫蟹蓋、雞翼尖、煮硯叫咗2次先到，同埋有少出錯，叫3件菠蘿比咗3件粟米，叫墨魚仔比咗青口，出單都唔快，嘢食嚟到就好即叫多round入咗單先。仲有蒸鍋，埋咗單先昅到隔離枱食緊先知有。總括都可以嚟試一次/再試，不過就得2小時唔夠時間，甜品都食唔切，雖然都無趕客走，但都唔好意思夠鐘仲坐喺度。