御前牛盛日式涮涮鍋 (Closed)

今晚同班朋友去旺角食放題~去左間叫御前牛盛既餐廳！有刺身又有火爐！不過主要都係做火鍋為主！店員全是後生一輩既年輕人！感覺很有活力~服務態度亦要讚一讚！飲品就係自助形式！都真係有10幾款選擇~我就拎左烏龍茶同韓式啤酒！！夠哂凍！正呀~ 呢度d牛真無頂瓜瓜！牛肩胛肉片同埋美國肥牛片都好正~好有牛味~而且一d都唔韌！有d入口咬兩咬就溶開既感覺！加埋隻生雞蛋配番個牛~雞吸左d蛋汁更香滑！超好味！！仲有叫左d蠔，海蝦黎食~d食物整體都好新鮮~雖然收得平！但唔會將貨就價比d下等貨~感覺幾好！最後仲有食左d甜品~有芋頭味同芒果味既雪米滋~好味呀！！同埋有隻牛古力味外層餡係雪呢拿雪糕！感覺勁滿足！！