大滿喜日本料理 (Closed)

放咗工約咗朋友喺觀塘大滿喜食放題，貪佢係地鐵附近，行6分鐘就到，仲有早時段時間優惠，由五點半開始食到7點半都係$188，價錢吸引得黎又唔算貴！食完仲可以唔使咁趕返屋企，仲可以慢慢行下消化一下d美食！一開始我地當然係點人人都喜愛既刺身，嘩！上菜既速度快靚正，伴碟既冰塊散出黎既煙霧好鬼有仙境feel!呢度最值得一讚既就係佢嘅上菜速度真係好快，一眨眼就上晒所我哋所點嘅食物！擺到成枱都係，感覺上好豐富好多食物好有満足感😋😋😋再講下呢度既食物啦，炸物脆卜卜，刺身够新鮮，有新鮮帶子、厚切三文魚、甜蝦、希靈魚、螺肉.....牛粒大大粒，靖魚好好味，款式都算多，味道不過不失，迎合香港人口味，如果侍應既態度好返小小就好了！我最鍾意呢度既焦糖燉蛋，好香好好味，唔太甜，食多幾個都仲得！我一共食左10個先收手！比較搞笑既係係呢度居然食到馬拉盞炒通菜，味道拍得住出面食既泰國菜！係我第二喜愛食物！最後當然係食埋雪糕先走啦！