我最期待是刺身，甜蝦，大赤蝦是我最愛，幾新鮮，另外馬刀貝，希靈魚，油甘魚，吞拿魚，帆立貝都新鮮，反而三文魚我就唔太好。
我老死好刷得，最愛吃火灸壽司和手卷，火炙海膽蝦好好食，佢叫了好多轉，海膽手卷，我也試過，海膽好鮮甜，食了許多海膽手卷。
另一款推介必食是火灸芝士皇帝蟹棒，芝士灸到少少燶，同蟹棒極㚒! 這間放題的天婦羅是我吃過出品最好的，粉漿夠簿，食材新鮮，蔬菜類天婦羅更勝肉類，南瓜，茄子，
小蕃薯也很好吃。一品料理有花膠食，超正，我叫了很多轉啊! 花膠好腍，鮑汁入晒味，這一款沒吃一定走寶。另外我愛吃粟米，牛油炒粟米好吃，蒜片牛柳粒也別錯過。大堂有師傅提供燒鴨，燒雞和燒豬，燒鴨皮好脆，肉入味。飲品種類多，重有不凍盒裝飲品放大堂自取，我唔飲凍，都照顧到，名牌雪糕食埋，好滿意。
