Video
Read full review
2015-05-02
2324 views
旺角兆萬一帶向來都好多任飲任食既放題同火鍋店進駐，選擇多，最後決定左去八幡屋放題。我地七時入座，星期一至四收費$198，星期五、六及日、公眾假期及前夕就要$208，另收加一，入座起計兩個小時任點任食。(很抱歉忘記了拍低收費牌子..).這裡既裝潢佈置一般都同平時的放題店大同小異，坐位與坐位間唔會好迫，而且又有卡位座，感覺唔錯。放題食物款式大約可分為刺身、手卷/軍艦/卷物、壽司、前菜、燒物、揚物/天婦羅、佐酒小食、日本料理和甜品。.可追加$40的升級體驗，多左幾款刺身選擇，包括油甘魚刺身、珍寶帶子刺身和赤蝦刺身，另外仲有生蠔任食，熟食方面更有紐西蘭羊架和河豚干等。連生蠔都有得食，其實呢$40係抵加。.飲品都係任飲，大路如檸檬茶/汽水，連啤酒同冷/熱清酒都有，頗不錯呢。.坐下後先落單要盤刺身，都係一般大路款式，針魚刺身、劍魚腩、虎蝦刺身、鯛魚刺身和馬刀貝刺身等。刺身食落口感唔錯，亦唔會雪到無晒味，切得也算厚身。.鍾意呢度既壽司都細細舊，食落唔會好飽，可以試多幾款。壽司款式都唔少，升級體驗既火灸袖子和牛壽司，食落質地腍身，感覺都係其他壽司較好味。.玉子壽司和火灸沙律松葉蟹棒.鰻魚八幡卷及吉列芝
旺角兆萬一帶向來都好多任飲任食既放題同火鍋店進駐，選擇多，最後決定左去八幡屋放題。我地七時入座，星期一至四收費$198，星期五、六及日、公眾假期及前夕就要$208，另收加一，入座起計兩個小時任點任食。(很抱歉忘記了拍低收費牌子..)
.
這裡既裝潢佈置一般都同平時的放題店大同小異，坐位與坐位間唔會好迫，而且又有卡位座，感覺唔錯。放題食物款式大約可分為刺身、手卷/軍艦/卷物、壽司、前菜、燒物、揚物/天婦羅、佐酒小食、日本料理和甜品。
.
可追加$40的升級體驗，多左幾款刺身選擇，包括油甘魚刺身、珍寶帶子刺身和赤蝦刺身，另外仲有生蠔任食，熟食方面更有紐西蘭羊架和河豚干等。連生蠔都有得食，其實呢$40係抵加。
.
飲品都係任飲，大路如檸檬茶/汽水，連啤酒同冷/熱清酒都有，頗不錯呢。.
刺身
53 views
1 likes
0 comments
.
鍾意呢度既壽司都細細舊，食落唔會好飽，可以試多幾款。壽司款式都唔少，升級體驗既火灸袖子和牛壽司，食落質地腍身，感覺都係其他壽司較好味。.
玉子壽司和火灸沙律松葉蟹棒.
鰻魚八幡卷及吉列芝士蝦卷
.
五行壽司據說係每枱都會送一碟，五種唔同味道既壽司，每件都很精緻。小妹就試左頭尾兩件，前者係海膽吞拿魚腩壽司，整件壽司小小的，但感覺相當足料! 配上蔥花的吞拿魚腩蓉碎非常惹味，配埋鮮甜既海膽，頗美味的! 而最尾個件係松露帶子壽司，同樣相當鮮甜惹味，入口帶有陣松露香。
.
軟殼蟹手卷及蔥拖羅手卷迷你版既手卷，一端上黎要即刻。紫菜咬落尚算脆身，入面既料都唔少，味道唔錯。
.
升級體驗的生蠔，小妹就沒有品嚐，不過S先生就話生蠔味道頗鮮甜唔腥，感覺滿新鮮，所配搭既醬汁味道酸酸甜甜，同平時食生蠔落茄汁同檸檬既味道，有異曲同工既感覺。.
鹽燒虎蝦喜歡食海鮮既你，呢隻鹽燒虎蝦絕對可以叫多幾隻，去殼後，蝦肉上仍帶有鹽燒的味道，讚。
.
芝士大蝦金龍船把原隻大蝦去殼後，再加上芝士和沙律醬焗至金黃色，睇到都覺得很吸引。食落芝士味頗重，去殼大蝦食落啖啖肉亦滿爽口，小妹一連食左幾隻。
.
黃金焗蠔同樣焗至金黃色的焗蠔，味道除左把蝦換成蠔外，味道同樣接近，不過蠔的size就較為細隻。
.
炸蝦、温室南瓜天婦羅、茄子天婦羅小妹試左呢三款天婦羅，炸粉都頗薄身，而且食落熱辣辣，很香口，南瓜的食落很香甜呢。
甜品款式選擇都唔少，泡芙、炸朱古力香蕉、焦糖菠蘿、芒果布甸、富士蘋果一口大福同雪米磁等。
.
炸香蕉熱辣辣，食落帶點酸咪咪幾好食; 富士蘋果一口大福，聽個名好吸引，大福外皮煙煙韌韌，內藏蘋果醬，唔會太甜，可一試; 焦糖香蕉，搽上焦糖後再拎去烘，咬落面層卜卜脆，菠蘿香甜。
Post
