Running 燒 (Closed)

好耐都冇食過燒肉放題，突然間好口痕，就約埋個friend一齊嚟刷餐勁嘅！又來到呢幢好多嘢食嘅大廈，今次嚟咗running燒，每人二百幾蚊就可以任食燒肉，真係好正😍😍嘢食選擇超多，由小食、肉類、海鮮等等有，包羅萬有。上菜都超快，唔使5分鐘就送到黎。值得一讚嘅係個爐都好夠火候，擺上去啲肉好快就熟。最好食嘅係豬頸肉，食落去真係好爽脆！肥牛都唔錯😍飲品方面大部份都係韓國嘅飲品，最鍾意就係飲忌廉溝鮮奶😋😋😋醬汁都可以自己調配，大把你揀😍初頭我以為枱上面舊蘿蔔係食嘅，點知原來係用嚟清潔個爐，真係一抹d焦就甩！好正😍😍兩個都叫咗勁多嘢食，好快就飽，最後仲可以揀一個甜品，我揀咗芒果雪條，真係好夠味好正