牛之鍋

Open Now

Now Closed

而家先發現，越來越多放題餐廳關門大吉，想搵間高質素又多嘢食嘅真係唔容易，今日又俾我意外發現到原來有一間叫做「牛之鍋」的放題餐廳，佢都有幾間分店，今日就去咗銅鑼灣嗰間試一試。見到新出咗個風味烤鰻放題鍋，可以無限添加鰻魚。鰻魚過嚟打邊爐都係第一次，估唔到都保持到鮮嫩肉質。另外刺身選擇種類都有好多，例如有好肥美嘅三文魚、爽口嘅赤背、鮮甜嘅帶子等等。呢度嘅肉類選擇包括咗雞、牛、豬和羊肉。牛肩胛骨肉眼入口即化，帶有濃郁的牛肉香氣。而豚肉細嫩多汁，肉質鮮美。另外佢嘅炸物都好吸引，又非常香脆嘅天婦羅蝦、我同朋友無限encore嘅紫心香芋丸和榴槤炸彈！甜品部份都非常有驚喜！我諗過放題可以食到芭菲 ！由於我同朋友係榴槤控，所以我哋都叫咗幾款榴槤嘅甜品，例如：榴槤班戟和榴槤甘露，另外不得不讚就係呢個焦糖燉蛋，味道唔會太甜，而且好夠味。整體而言呢間火鍋放題性價比都高，值得推介！