神戶屋日韓放題

Open Now

Now Closed

朋友約我去呢間食放題，咁就試下啦，地方唔算好大，不過食物種類繁多，櫈都坐得幾舒服，而且仲有得租用充電器，有wifi用，設備幾好。一坐低就會叫你嗌個首輪剌身好快就會到，剌身新鮮有口感，之後仲有得揀個限時邊爐，要左日本和牛壽喜燒，啲牛肉新鮮肥美嫩口，個湯同啲菜同好鮮甜。仲有個訂座加推，我揀左生豪，有配埋醬汁，普普通通無咩特別。一定要試既係迷你鰻魚丼，新鮮熱辣辣既鰻魚配上鰻魚汁非常入味，個汁甜甜地配飯食好出色。雖然我唔係好食得辣，但佢既韓國蜂蜜芥末炸雞真係唔錯，熱辣辣嘅炸雞配埋蜂蜜醬辣中有點甜。不得不提既仲有芝麻雞翼，香口嫩滑，超級好味。仲有個網紙蝦卷好似春卷咁既，皮脆多料，值得一試。之後仲叫左瑞士汁雞翼，但有少少似滷水雞翼，不過都好入味，但略兼整得太淋。仲叫左鰻魚壽司同花之戀，鰻魚黎講鰻魚丼既鰻魚比較好食，而花之戀都正常發揮。