Video
Read full review
2018-11-28
267 views
尖沙咀好多放題店，不過坐得咁舒服寬敞，地方又咁大的放題地方就唔多喇，今次呢個放題除左落單出食物之外，仲有部分食物係自助形式，自助分別有前菜類，甜品，湯，糖水等等。 放題刺身當然係重點啦，呢到刺身非常多款，有三文魚，油甘魚，甜蝦，希靈魚，赤貝，帶子，劍魚腩，馬刀貝，赤蝦，北寄貝。刺身整體水準是很不錯的，三文魚富油香，帶子厚身，肉質鮮甜，甜蝦都幾大隻，值得再點，另外平時放題少食到好食的赤貝及馬刀貝，呢到同樣出色，肉質爽甜，鮮甜味濃郁。 推介<香蔥吞拿魚茸手卷>，吞拿魚茸配埋香蔥一齊食好夾，魚茸入口即溶，油香強烈。 燒物方面，<燒羊排>同<帆立貝北海燒>必點之一，燒羊排帶香草味，令羊肉味道提昇唔少，另外，<帆立貝北海燒>帶子都幾厚身，醬汁厚身好香濃，醬汁包住帶子好好食。 和牛薄燒，連同脆蒜片一齊食好正，和牛入口肉味香濃，肉質好滑。 飲品選擇非常多，凍飲同熱飲一應俱全。 好少放題有中式老火湯<甘筍粉葛赤小豆鯪魚煲豬展湯>，仲要煲到好出味，飲得出落左好多材料。 最後，美好的完結當然要食埋甜品同雪糕，最愛呢個品牌個雪糕
放題刺身當然係重點啦，呢到刺身非常多款，有三文魚，油甘魚，甜蝦，希靈魚，赤貝，帶子，劍魚腩，馬刀貝，赤蝦，北寄貝。刺身整體水準是很不錯的，三文魚富油香，帶子厚身，肉質鮮甜，甜蝦都幾大隻，值得再點，另外平時放題少食到好食的赤貝及馬刀貝，呢到同樣出色，肉質爽甜，鮮甜味濃郁。
推介<香蔥吞拿魚茸手卷>，吞拿魚茸配埋香蔥一齊食好夾，魚茸入口即溶，油香強烈。
燒物方面，<燒羊排>同<帆立貝北海燒>必點之一，燒羊排帶香草味，令羊肉味道提昇唔少，另外，<帆立貝北海燒>帶子都幾厚身，醬汁厚身好香濃，醬汁包住帶子好好食。
和牛薄燒，連同脆蒜片一齊食好正，和牛入口肉味香濃，肉質好滑。
飲品選擇非常多，凍飲同熱飲一應俱全。
好少放題有中式老火湯<甘筍粉葛赤小豆鯪魚煲豬展湯>，仲要煲到好出味，飲得出落左好多材料。
最後，美好的完結當然要食埋甜品同雪糕，最愛呢個品牌個雪糕，味道唔會咁甜，甜品食左2-3款，最有驚喜係焦糖布甸，質感好滑，焦糖味好出。
最後要講埋呢到有個室內讓小朋友可以玩樂的地方，是特色之一。
Post
