心傷都不及荷包傷, 呢啲Cheap cheap老闆隨時要求六月再繼續放, 唯有慳住荷包做人啦
今日放無薪假係屋企, 接左d外快job做, 唯有落樓下食飯快手食完去開工
呢間名昇館一向係我飯堂, 貪佢平靚正之餘又快手
我就叫左肉燥豬軟骨大碗飯
連埋可樂都係$54, 都咪話唔抵
出面啲茶記如果你要飲可樂係會要你加錢, 呢度居然唔洗加, 真係少有
呢個大碗飯都食過幾次架啦
大碗夠哂飽肚之餘又好食
豬軟骨煮得又淋又入味, 軟骨部份係煮到好似啫喱個種, 我最鐘意就係呢種質感
每次食完都好滿足
肉燥都好好食, 同樣地又係非常入味, 肉燥切得夠碎
最怕撞著一啲切得唔夠碎, 變左好似係食肉粒咁
調味適中, 送飯一流
