校長燒肉日韓料理 (Moved) New Location

入元朗同舊同仕食飯，佢地建議食燒烤，之後到左一間叫校長燒烤的食店。夏日炎炎，好彩入面冷氣夠凍，行入座位前，路經食物區，見到有很多不同肉類和海產、蔬菜等，又見到刺身，壽司和各種熟食，撰擇甚多，舊同仕果然無介紹錯。飲品選擇不算多，但勝在夠凍又夠多，任飲唔洗講，講到韓燒肉類，羊扒夠騷，牛扒軟滑彈牙，豬頸肉爽脆彈牙，雞肉嫩滑新鮮，各種肉類肉質鮮嫩，香料入味，最後味道就視乎主人家對時間的掌握。店員定時為我地換過濾紙，以免燒肉類時容易焦燶。三文魚刺身新鮮爽口，炸魚柳配沙律醬好味非常。長腳蟹任食，肉質鮮嫩清甜爽口。最令人驚喜是有現場抽獎，雖不是什麼大奬，但可見店主的心思，尤其是店門 reception 個位靚仔仕應，服務態度一流，大熱天時重保持微笑歡迎顧客。整体而言，校長燒烤肉類撰擇豐富，味道一流，服務態度細心又熱心。與朋友聚會邊食邊燒，適合之撰。